Rais wa Jamhuri ya Muungano wa Tanzania, Dkt. John Pombe Magufuli kesho anatarajia kuanza ziara ya siku tatu mkoani Arusha.

Kwa mujibu wa Mkuu wa Mkoa wa Arusha, Mrisho Gambo amesema baada ya kuwasili mkoani humo Rais Magufuli anatarajiwa kuzindua barabara ya KIA Mererani inayoanzia Uwanja wa ndege wa Kilimanjaro hadi mji wa Mererani mkoani Manyara.

Ifikapo Septemba 23, Rais Magufuli anatarajiwa kutunuku kamisheni kwa maafisa wa jeshi, tukio litakalofanyika katika uwanja wa Shekh Amry Abedi jijini Arusha.

Pia mkuu wa mkoa huyo amewaomba wananchi kujitokeza kwa wingi siku hiyo kuhudhuria sherehe hizo.

Sherehe hizo ambazo kwa kawaida hufanyika katika chuo cha maafisa wa jeshi cha TMA, zinafanyika kwa mara ya kwanza katika uwanja huo jambo ambalo linatoa fursa kwa wananchi wa Arusha kushuhudia.