Mwanamuziki wa Bongo Fleva, Ben Pol anatarajia kuachia albam yake mpya iitwayo ‘The Best of Ben Pol yenye nyimbo 15 ambayo itatoka kesho kutwa.

Ben Pol amesema kuwa uamuzi wa kutoa albam ni kutaka kuendelea kuwa karibu na mashabiki wake ambao wamemfanya afike hapo alipo.

Mwanamuziki huyo amesema kuwa albam hiyo itatoka kesho kutwa tarehe 8 ambayo ndiyo siku yake ya kuzaliwa ambapo albam hiyo itakuwa na nyimbo 15 alizofanya na wasanii tofauti hapa nchini na nje ya nchi.

Pia amendelea kusema kuwa ameamua kutoa albam hiyo ikiwa ni miaka 8 toka aingie kwenye kazi ya sanaa ya kuimba ambapo ameamua kuwapa radha mashabiki zake.

Ben Pol amewataka mashabiki wake kukaa mkao wa kula kwa ajili ya kuisubilia albamu hiyo kwani ni kipindi kirefu hakuachia albam.

Miongoni mwa nyimbo zitakazopatikana kwenye albam yake hiyo ni Kidume ambayo ni mpya amemshirikisha mwanamuziki Chidinma kutoka Nigeria, nyingine Tuliza Boli na Tatu alizowashirikisha Rama Dee na Darassa.