Mgombea anayewakilisha Muungano wa Vyama vya Upinzani nchini Kenya (NASA), Raila Odinga amemuita Alikiba nchini humo kwa ajili ya kumpigia kampeni kwenye uchaguzi ujao.

Mmoja wa mameneja wa Kiba, Aidan Seif amethibitisha mualiko huo wa Kiba lakini hakutaka kuuzungumzia kiundani zaidi ya kusema anawashukuru Watanzania kwa kuendelea kusapoti muziki mzuri.

Alikiba amepata mwaliko huo mwishoni mwa wiki iliyopita ikiwa ni saa chache mara baada ya Odinga kushinda kesi ya uchaguzi Katika Mahakama ya Juu aliyokuwa amemfungulia Rais Kenyatta.

Uongozi wa NASA ambao ulimtumia Kiba katika kampeni za uchaguzi wa awali, haraka ulimtumia mwaliko kwa ajili ya pati maalum ya kusherehekea hatua ya ushindi huo nchini Kenya.

Kiba amesepa zake Kenya kwa ajili ya kuwahi ishu hiyo maalum kwa ajili ya kumpigia kampeni Raila Odinga.

Odinga ameamua kumualika Kiba kwenye kampeni zake kutokana na mwanamuziki huyo anakubalika sasa nchini Kenya.

Alikiba kwasasa anatamba na wimbo wake ‘Seduce Me’ ambao unafanya vizuri nchini Kenya na Afrika Mashariki kwa ujumla.