Mwanamuziki wa Bongo Fleva, Jux amesema kuwa duka lake la nguo lililopo Sinza jijini Dar es Salaam limebomolewa kutokana na bomoabomoa inayoendelea eneo hilo.

Jux ambaye ni mmiliki wa duka la nguo za bidha yake ya ‘African Boy’ amesema kuwa sababu ya kubomolewa eneo hilo ni kile kilichoelezwa kuwa ni mgogoro wa umiliki.

Mwanamuziki huyo  amesema duka hilo limevunjwa kwa sababu mwenye nyumba alikuwa na mgogoro na Mahakama kuhusu kiwanja hicho ndipo Mahakama ilipoamuru nyumba hiyo ivunjwe japo hawakupewa taarifa ya aina yoyote na mwenye nyumba huyo.

Pia Jux amesema kuwa amepata hasara kubwa kwa kuvunjwa kwa jengo hilo kwa kuwa kuna baadhi ya vitu vimepotea pamoja na pesa taslimu shilingi Milioni moja imeibiwa.

Ameongeza kwa kusema kuwa mpaka sasa baba mwenye nyumba wake hapatikani na hajui yupo wapi kutokana hapatikani kwenye simu.