Rais Mstaafu wa awamu ya nne, Dkt Jakaya Mrisho Kikwete kupitia akaunti yake ya Twitter amesema kuwa kwasasa amekamilisha msimu wa mavuno ya mahindi katika shamba lake lililopo msoga mkoani Pwani.

Dkt. Kikwete toka amalize awamu yake ya uongozi amejikita zaidi katika kilimo kijijini Msoga ambapo ndiyo makazi yake kwasasa.

Kikwete amezidi kuonyesha mfano katika kilimo kwa viongozi wenzake baada ya kuonekana akiwa katika shamba lake hilo.

Dkt Kikwete kupitia ukurasa wake wa Twitter amepost picha akiwa na mke wake Mama Salma Kikwete wakionekana wakivuna zao hilo.

Kikwete ameandika kuwa ‘Tunakamilisha msimu wa mavuno kijijini Msoga, Chalinze. Umekuwa msimu mzuri’.

Kiongozi mwingine aliyeingia katika kilimo baada ya kuustaafu ni waziri mkuu mstaafu wa awamu ya nne Mizengo Pinda.