Klabu ya Bayern Munich imefanikiwa kutwaa kombe la Super Cup baada ya kuwafunga Borussia Dortumund kwa jumla ya mikwaju ya penati 5-4 baada ya matokeo ya 2-2.

Christian Pulisic alianza kuwapa ushindi Borussia Dortmund katika uwanja wa Signal Iduna Park kabla ya mshambuliaji wa Poland , Robert Lewandowski kuwasawazishia Bayern Munich.

Dortmund walipa tena goli la pili kupitia mshambuliaji wake Pierre-Emerick Aubameyang kabla ya Lukasz Piszczek wa Dortmund kujifunga na kufanya matokeo kuwa 2-2 na kufanyika kwa penati.

Bayern  wameshinda 5-4 baada ya golikipa wake chaguo la pili, Sven Ulreich kuokoa mikwaju ya penati miwili.

Ni mara ya saba Bayern wameshinda kombe la Super Cup ambapo ukutana kati ya bingwa wa Ligi ya Bundersliga na bingwa la kombe la Ujerumani.

Bayern wataanza harakati za kutetea ubingwa wake August 18 mwaka huu wakiwakaribisha Bayer Leverkusen huku Dortmund wakiwafuata Wolfsburg siku inayofuata August 19.