Meneja wa Chelsea Antonio Conte anataka kuongeza nguvu katika kikosi chake kwa kuwasajili wachezaji wawili raia wa Uingereza Alex Oxlade-Chamberlain kutoka Arsenal pamoja na Ross Barkley wa Everton.

Chamberline mwenye umri wa miaka 23 amebakiza mkataba wa mwaka mmoja katika kikosi cha Arsenal na huenda akaondoka kabla ya msimu ujao wa ligi kuu ya Uingereza kuanza.

Chelsea pia wanapanga kutoa kiasi cha pauni milioni 50 kumsajili kiungo wa Everton Ross Barkley baada ya kocha wa Everton Ronald Koeman kusema kuwa Barkley ataondoka katika timu hiyo iwapo kutatokea klabu itakayo toa ofa itakayokubalika.

Hata hivyo Chelsea wanaweza kujikuta wakikabiliana na upinzai kutoka kwa Tottenham Hotspur na Manchester City ambao pia wanamtaka Ross Barkley.

Chelsea wanatarajia kucheza mchezo wao wa mwisho dhidi ya klabu ya Inter Millan leo jioni nchini Singapore katika ziara yao barani Asia.