Mkuu wa Mkoa wa Dar es salaam, Paul Makonda ameagiza kubomolewa kwa baa na Gesti zote zilizopo jirani na shule jijini Dar es salaam.

Makonda amesema hayo jijini Dar es salaam alipokuwa akizungumza na maafisa elimu na waalimu wakuu, ambapo ameeleza kuwa ili wanafunzi waweze kusoma vizuri ni lazima kuondolewa kwa kelele zinazozunguka katika maeneo ya shule.

Pia Makonda amewataka Waalimu Wakuu na Maafisa Elimu kukaa na kutoa tathmini ya shule ambazo zinahitaji ukarabati ili ziweze kukarabatiwa.

Makonda amesema kuwa ni ajabu kwa shule za jiji la Dar es salaam kuonekana katika hali mbaya wakati wanauwezo wa kuzikarabati.

Mwisho Makonda ametoa ahadi ya kugawa pikipiki kwa maafisa Elimu wa Kata ili waweze kuongeza ufanisi katika utendaji wa kazi wao.