Mshambuliaji wa Borussia Dortmund, Pierre-Emerick Aubameyang hatouzwa katika majira haya ya kiangazi na atasalia katika timu yake hiyo.

Hayo yamesemwa na mkurugenzi wa Dortmund, Michael Zorc baada ya mchezaji huyo kuwaniwa na vilabu vya Paris St-Germain , AC Milan na Chelsea.

Mkurugenzi huyo amesema kuwa wameashaamua mchezaji huyo aendelee kubakia katika timu hiyo kwa ajili ya msimu ujao wa ligi kuu nchiniUjerumani ‘Bundersliga’.

Aubameyang msimu uliopita aliifungia timu yake jumla ya mabao 31 na kuisaidia kutwaaa taji la kombe la Ujeruman, na kumaliza katika nafasi ya tatu katika ligi ya Bundasliga.

Mchezji huyo alitakiwa kwa udi na uvumba na klabu ya Chelsea ya Uingereza ili kwenda kuziba pengo la mshambuliaji, Diego Costa ambaye ayupo kwenye mipango ya kocha, Antonio Conte.