Mwanamuziki wa Pop nchini Uingereza, Ed Sheeran ameshirikishwa katika mwendelezo wa filamu za Game of Thrones – kama mwanajeshi.

Nyota huyo wa muziki aina ya Pop, anaimba na pia kuzungumza kwa muda mfupi katika makala ya sasa ya filamu hizo ambayo.

Sehemu hiyo ambayo imepewa jina Dragonstone, ndiyo ya kwanza kwenye filamu hiyo ya saba ya mwendelezo wa filamu hizo maarufu sana kutoka Marekani.

Uigizaji wa mwanamuziki huyo mwenye umri wa miaka 26 uliwagawanya mashabiki wake mtandaoni, baadhi wakifurahishwa naye na wengine kumkosoa.

Mhusika Arya Stark anayeigizwa na Maisie Williams anapopitia hapo akiwa kwenye farasi, anamwambia, “Ni wimbo mzuri huo, sijawahi kuusikia awali.”

Ed amefurahia kushirikishwa kwake kwa kupakia picha kadha katika akaunti yake mtandao wa Instagram.

Shabiki wake mmoja Kalynn alisema huo (kumuona Sheeran akiigiza) ulikuwa “wakati mwema zaidi kwangu maishani”.

Lakini wengine hawakufurahishwa, na Vann hata alipendekeza Arya Stark alifaa kumuua mhusika aliyeigizwa na Ed.

Makala yatakayofuata ya Game of Thrones yatakuwa ndiyo ya kwisho. Filamu hizo zimewepo tangu 2011.