Mshambuliaji wa timu ya taifa ya Uingereza, Wayne Rooney amekamilisha usajili wa kujiunga na klabu ya Everton akitokea Manchester United.

Rooney mwenye umri wa miaka 31 alichezea Manchester United mara 559 akifunga mabao 253.

Alishinda ligi tano za Primia tangu aihame Everton kwa pauni milioni 27 mwaka 2004.

Baada ya usajili huo kukamilika Rooney amesema kuwa “Ninahisi vizuri kurudi, sitangoja kukutana na wenzangu, kuingia mazoezini na kisha kuingia uwanjani kucheza”.

Rooney anarejea Everton waaati Man U ina mipango ya kumsajili mshambuliaji wa Everton Romelu Lukaku kwa pauni milioni 75.