Rais wa Jamhuri ya Muungano wa Tanzania, Dkt John Pombe Magufuli amesema amefurahishwa sana na mapokezi makubwa ya wananchi wa Mwanza.

Rais Magufuli amesema hayo jana alipo wasili jijini Mwanza kwa ziara ya siku mbili ambapo akielekea Ikulu ndogo jijini Mwanza alizungumza na wananchi.

Amesema kuwa “Nimefurahi sana kwa mapokezi makubwa mliyofanya kwangu, napenda kuwahakikishia kwamba serikali yangu itafanya kazi na nyinyi katika kuhakikisha dhuruma iliyokuwa inafanyika kwa wanyonge inafutika kabisa nataka Watanzania wa hali ya juu, wa maisha ya saizi ya kati na saizi ya maisha ya chini wote ni Watanzania,”.

Leo Rais Magufuli anatarajiwa kuwa mgeni rasmi katika uzinduzi wa mradi wa uboreshaji wa huduma ya maji safi na usafi wa mazingira wilayni Sengerema.