Waandaji wa tuzo za BET wamefafanua jinsi ya kumpigia kura mwanamuziki kwenye tuzo hizo zitakazofanyika mwishoni mwa mwezi huu.

Waandaji hao wameweka picha za wasanii wanowania kipengere cha ‘International Viewers Choice Award’ akiwemo mwanamuziki wa Tanzani Rayvanny.

Ili kumpigia kura Rayvanny andika #Ipickrayvanny ili aweze kushinda kwenye kipengele hicho kinachowaniwa na wasanii tofauti duniani.

Rayvanny ni mwanamuziki pekee kutoka Tanzania anayewania tuzo hizo kubwa za muziki nchini Marekani.

Wasanii wengine wanaowania tuzo hiyo ni Dave (Uingereza), Amanda Black (Afrika Kusini), Changmo (Korea Kusini), Daniel Caesar, Remi na Skip Marley (Jamaica).

Tuzo hizo zinazotarajiwa kufanyika Juni 25 ya mwaka huu katika ukumbi wa Microsoft Theater mjini Los Angeles nchini Marekani.