Rais wa Jamhuri ya Muungano wa Tanzania, Dkt. John Pombe Magufuli amemteuwa aliyekuwa mgombea urais kupitia chama cha ACT-Wazalendo, Anna Mghwira kuwa mkuu wa mkoa wa Kilimanjaro.

Anna Mghwira anachukua nafasi ya aliyekuwa mkuu wa mkoa huo, Said Meck Sadick aliyetangaza kustaafu mwzi uliopita.

Pia Rais Magufuli amemteua Meja Jenerali Issah Suleiman Nassor kuwa Balozi ambapo kabla ya uteuzi huo alikuwa Mkuu wa Operesheni na Mafunzo wa Jeshi la Ulinzi la Wananchi Tanzania (JWTZ).

Vile vile Rais amemteua DIGP Abdulrahman Omari Juma Kaniki kuwa Balozi ambaye kabla ya uteuzi huo alikuwa Naibu Mkuu wa Jeshi la Polisi.