Mzee aliyechora nembo ya Taifa, Francis Maiga maarufu kama Ngosha amefariki dunia usiku wa kuamkia leo katika Hospitali ya Taifa ya Muhimbili.

Mzee huyo alipelekwa Hospitali hapo akitokea Hospitali ya Amana May 25 mwaka huu ambapo alikuwa anapata matibabu kwenye hospitali hiyo.

Taarifa iliyotolewa na Hospitali ya Muhimbili imesema kuwa hali ya mzee huyo imebadilika usiku mpaka kusababisha kifo chake.

Mwili wa marehemu umehifadhiwa katika chumba cha kuhifadhiwa maiti katika hospitali ya Taifa Muhimbili wakisubili taratibu zingine zifuatazo.