Baraza la Sanaa Tanzania (BASATA) limesema kuwa linatarajia kumtafuta mwanamuziki, Ben Pol baada ya kupost picha za nusu utupu katika mitandao ya kijamii.

Kauli hiyo imetolewa na Katibu Mtendaji wa Baraza hilo Godfrey Mngereza jijini Dr es Salaam baada ya kusambaa kwa picha hizo za Ben Pol.

Mngereza amewataka wasanii kufanya kazi nzuri ambazo zinaweza kuwaweka sehemu nzuri na siyo kutengeneza mazingira ambayo yanautia dosari muziki wao na kuwachafua katika jamii kutoka na tabia zao.

Katibu huyo amesema kuwa Baraza hilo limeziona picha hizo katika mitandao ya kijamii si kitu kizuri kabisa kwani kinaaribu desturi za Mtanzania.

Baraza hilo limesema kuwa litahakikisha linampata mwanamuziki huyo kwa ajili ya kueleza sababu za kupiga picha hizo na kuziweka katika mitandano ya kijamii na kusababisha mashabiki kumshambulia kwa matusi.

Kwa upande wake Ben Pol baada ya picha hizo kusambaa sana katika mitandao ya kijamii na watu kuanza kumshambulia kwa matusi kutokana na picha hizo, mwenyewe amesema kuwa watu wasijaji jambo ambalo hawalijui.

Mwisho Mngereza amewaomba wasanii wa Tanzania kwa upande wa muziki wafanye muziki mzuri wasitegemee kiki kwa mashabiki zao kwani kiki hazina maana yoyote katika game ya muziki kwasasa.