Mkurugenzi wa vipindi na uzalishaji wa Clouds Media Group, Ruge Mutahaba amesema kuwa ameshangaza na kauli ya mkuu wa mkoa wa Dar es Salaam, Paul Makonda kumwita muongo.

Ruge amesema kuwa ameshangza sana na kuali ya mkuu wa mkoa huyo aliyoitoa leo kwa kumwita muongo na mtu anayefaa kuwa muandishi wa mashairi na nyimbo za mapenzi na ngonjera.

Mkurugenzi huo ametoa kauli hiyo leo wakati wa mahojiano yake na kipindi cha Clouds 360 kinachorushwa na Clouds TV.

Kauli hiyo ya Ruge imekuja baada ya mkuu wa mkoa wa Dar es Salaam, Paul Makonda alipofanya mahojiano na kituo cha Star TV cha jijini Mwanza na kusema kuwa Ruge ni muongo na anatakiwa kumuomba msamaa baada ya kudai kuwa mkuu wa mkoa huyo alivamia ofisi za media hiyo.

Ruge amesema kuwa kila mtu ana mtazamo wake, na huwezi kulazimisha mtazamo wa mtu ubadilike kwa kila mtu ana mipango yake na ana amini anachoakiamini.

Ruge ameonesha kusikitishwa na kauli ya Makonda kutokana na kuongea uongo juu yake mbele za media na kuwaaminisha watanzania kuwa Ruge ni muongo.

Ruge amemaliza kwa kusema kuwa tangu mwanzo alisema anataka haya mambo yaishe, cha kusikitisha kiongozi huo anashindwa kumaliza jambo hili kwa busara na anataka kuliendeleza kwa jamii nzima.