Klabu ya soka ya Newcastle united imefanikiwa kupanda daraja na kurudi katika ligi kuu baada ya mwaka jana kushuka ikiwa chini ya kocha Rafa Benitez.

Newcastle imefanikiwa kupanda daraja baada ya kuibamiza mabao 4-1 timu ya Preston North End inayo shika nafasi ya 10 katika msimamo wa ligi daraja la kwanza (championship).

Newcastle chini ya kocha Benitez imeshika nafasi ya pili kwenye msimamo wa ligi daraja la kwanza ikiwa chini ya Brighton ambayo nayo imepanda daraja baada ya miaka isiyo pungua 30.

Katika mchezo huo dhidi ya preston,magoli ya Newcastle yalifungwa na Ayoze perez mawili huku mchezaji raia wa Ghana Christian Atsu akifunga moja na Matt Ritchie akifunga moja kwa mkwaju wa penati.

Matokeo hayo ndio yameifanya Newcastle kurudi ligi kuu na mwakani tutashuhudia michezo mbalimbali katika uwanja wa nyumbani wa Newcastle St James Park.