Watu watatu waliodhaniwa kuwa majambazi wameuawa na Polisi wa doria karibu na daraja la Mkapa wilayani Rufiji mkoani Pwani.

Kamanda wa Polisi mkoa wa Pwani, Onesmo Lyanga amesema kuwa watu hao wote ni wanaume walikuwa wameficha nyuso zao kwa hijabu na walikaidi agizo la polisi walipotakiwa kusimama.

Kamanda Lyanga ameongeza kwa kusema kuwa Polisi walipewa taarifa kuwepo kwa pikipiki tatu kwenye eneo la Kibiti katika Barabara Kutoka Dar es Salaam kuelekea Lindi.

Kutokana na taarifa hizo Polisi waliwasiliana na wenzao waliopo kwenye kizuizi cha Mparange ili waweze kuwasimamisha watu hao.

Walipofika eneo la kizuizi hicho walipotakiwa kusimama walikaidi kusimama na kuendelea na safari yao wakiwa kasi.