Muigizaji wa Bongo Movie, Shamsa Ford amesema kuwa atamsomea Ahlal Badir  mtu aliyedukuwa akaunti yake ya Instagram.

Shamsa Ford amesema kuwa  atasoma dua hiyo kutokana na mtu huyo kukwamisha shughuli zake kutokana na akaunti yake kuitumia katika masuala yake ya kibiashara na mambo yake movie.

Muigizaji huyo amesema kuwa akaunti hiyo ina jumla ya followers million 2 na laki 1 ambao huwa wanamsapoti katika maisha yake ya kila siku.

Shamsa ambaye ni mke wa Chid Mapenzi amesema kuwa mdukuaji huyo anatumia majina tofauti huku akitukana baadhi ya watu maarufu.

Muigizaji huyo ameonyesha nia ya kuweka subira katika jambo hilo huku akiamini huenda ataipata tena account hiyo.

Pia Shamsa amesema kuwa ameamua kufanya maamuzi ya hayo ya mwisho na amedai litakalo kuwa na liwe kwenye suala hilo.

Aliongeza kwa kusema kuwa  yeye ni mtoto wa kiislam, hiyo ndio njia pekee iliyobaki ya kumshtakia Mwenyezi Mungu ikiwa inafahamika fika dua hiyo huwa inamdhuru mtu aliyetenda uovu.