Mwanamuziki chipukizi wa Bongo Fleva, Harmorapa amewaomba wasanii wakubwa waliopo nchini kuacha tabia ya kuwapiga mkwanja mkubwa wasanii chipukizi wakati wanapoenda kuwaomba kufanya nao collabo.

Hayo yamekuja baada ya msanii huyo kuombwa pesa ya mavazi na Juma Nature kwaajili ya kufanyia ‘shooting video’ jambo ambalo kwa upande wake limemkwaza kwa namna moja ama nyingine.

Aidha Harmorapa amesema muda mwingine wasanii wakubwa wanatumia njia ya kutaka pesa ndefu ili mradi wa kwamishe kufanya kazi nao.

Kwa upande mwingine Harmorapa amesema mashairi aliyoyatumia katika wimbo wake amefanya kumjibu ‘dansa’ Mose Iyobo kutoka WCB kwa kile alichokifanya awali cha kumfananisha na sokwe.

Harmorapa anatamba na wimbo wake ‘Kiboko ya mabisho’ aliyomshirikisha Juma Nature.