Mchekeshaji ambaye aliwahi kujizolea umaarufu mkubwa kwa kucheza kwenye nyimbo za msanii Mr. Nice enzi hizo Wabogojo ameuaga ukapela baada ya kufunga ndoa ya mpenzi wake wa siku nyingi.

Wabogojo ambaye muda mwingi sasa amekuwa nje ya nchi kutokana na kazi zake za kisanaa alipata umaarufu kwenye video ya Mr Nice, Kikulacho.

Baada ya kufunga ndoa mchekeshaji huyo amewashukuru ndugu jamaa na marafiki kwa kuweza kumpa support katika jambo hilo ambalo ni muhimu katika maisha yake.

Wabogojo amesema “Hatimaye ni mume na mke. Ahsante Mungu nimebarikiwa kwa jambo hili, familia yangu kwa ujumla sina cha kulipa kwa upendo wenu kwangu kwa jinsi mlivyoweza kuniunga mkono katika jambo hili.

Pia ameongeza kwa kusema kuwa nawapenda sana wote marafiki, ndugu, wafanyakazi wenzangu, nashukuruni sana. Nashukuru sana mke wangu kwa kunikubali katika maisha yako kwa hivi nilivyo, nakupenda sana na upendo wangu kwako hauna mwisho.