Producer mkongwe wa muziki wa Bongo Fleva, P – Funk A.K.A Majani kutoka Bongo Records amemwagia sifa na kumtabiria makubwa rap chipukizi, Harmorapa.

Majani amesema kuwa rapa huyo atafika mbali kutokana na kuwa na busara na heshima kwa kila mtu kutokana na hayo anaweza kufanikiwa japokuwa watu wanamsema vibaya kuwa anapenda kiki.

Pia producer huyo amesema kuwa rapa huyo ipo siku atafanikiwa kwasababu anapenda kujifunza, anataka kujua zaidi habahatishi na hafanyi muziki kwa sababu ya kutafuta kiki.

Majanai ameongeza kwa kusema kuwa mtu anaanza anatambaa baadaye unaanza kushika kochi lile kidogo unadondoka unainuka, unainuka then unaanza kidogo kukimbia na unatembea kidogo halafu unaanza kukimbia kabisa unakuwa mwanariadha.

Harmorapa ni mwanamuziki Chipukizi aliyejizolea umaarufu katika mitandao ya kijamii ambapo jana ameachia video mpya ya wimbo wake ‘Kiboko ya Mabishoo’ aliyomshiikisha Juma Nature.