Yanga wanatarajia kurejea nchini mapema kesho wakitokea nchini Comoro ambako walikwenda kucheza mchezo wa awali dhidi ya wenyeji wao Ngaya ya nchini humo.

Yanga ambayo itawasili majira ya saa tano asubuhi kwa saa za Afrika Mashariki wanataraji kupata mapokezi ya aina yake kutoka kwa maelfu ya wanachama na mashabiki wa soka hasa mashabiki wa klabu hiyo ambao watajazana katika Uwanja wa Ndege wa Mwalimu Julius Nyerere kuwasubiri mabingwa hao watetezi wa Ligi Kuu Tanzania Bara.

Kuelekea mapokezi hayo makubwa tayari baadhi ya matawi ya wanachama wa klabu hiyo sehemu mbalimbali jijini Dar es Salaam wameshaanza vikao kwa ajili ya kuandaa mapokezi makubwa ya wawakilishi hao wa Tanzania.

Wanahama wa klabu hiyo wamesema wamesema lengo la kuwapa mapokezi hayo makubwa na ya aina yake ni katika hali ya kuwapongeza wachezaji kwa kazi nzuri waliyofanya huko ugenini na kuibuka na ushindi.

Yanga wamewabwaga wenyeji wao Ngaya Club de Mde mabao 5-1 mjini Moroni, visiwani Comoro.