Rais wa Marekani, Donald Trump ameamua kuvunja ukimya juu ya uhusiano na nchi ya China kwa kumuandikia barua rais wa nchi hiyo Xi Jinping.

Rais Trump amemshukuru rais Xi kwa pongezi alizompa mwezi uliopita wakati wa kuaopishwa kwake kuwa rais mpya wa Marekani.

Trump ameweka wazi kuwa anatarajia uhusiano mwema na China ingawa mpaka sasa bado hajazungumza na rais wa nchi hiyo licha ya kuzungumza na viongozi wengine duniani.

Shirika la habari la Reuters limekariri msemaji wa wizara ya mambo ya nje ya China, Lu Kang aliyedai wameipa uzito mkubwa dsana barua hiyo.

Amempongeza rais Trump kwa kutuma salam za mwaka mpya wa China maarufu kama Lunar New Year kwa raia wa nchi ya China.

Trump aliwahi kuiponda nchi ya China kabla ya kuchaguliwa kuwa rais wa Marekani.