Staa wa zamani wa klabu ya Manchester United na timu ya taifa ya Uingereza, Rio Ferdinand anajiandaa kuuweka wazi uchungu wa kufiwa na mke kwenye kipindi maalum cha mahojiano na Shirika la BBC.

Katika kipindi kinachotarajiwa kurushwa baadae mwaka huu, Rio Ferdinand aliyejaaliwa kupata watoto watatu na marehemu mkewe, Rebecca ambaye alifariki kwa ugonjwa wa kansa ya matiti mwaka 2015 akiwa na umri wa miaka 34.

‘Sidhani kama nimeomboleza ipasavyo’ Nahodha huyo wa zamani wa timu ya taifa ya Uingereza anatarajiwa kusema maneno hayo.

‘Sijajipa muda wa kutosha wa kukaa chini na kutafakari na kuondoa kila kitu kichwani’.

Makala hiyo maalum itakayoitwa: Rio Ferdinand: Being Mum and Dad – itawapa fursa watazamaji kufahamu maisha ya ndani ya wawili hao hususani namna ambavyo wanaume wanavyoomboleza misiba ya wapendwa wao.

Rio ambaye aliichezea Man United kwa miaka 12 na kuichezea timu ya taifa michezo 81, alifunga ndoa na Rebecca na kufanikiwa kupata watoto 3 kabla ya kansa ya matiti kuchukua uhai wa mke wake mwaka 2015.

Wiki chache baada ya mke wake kufariki, Rio alistaafu soka kwa kucheza mchezo wa mwisho akiwa na timu yake ya QPR.