Shirikisho la soka nchini TFF limetoa ratiba ya kombe la Shirikisho raundi ya sita ya michuano hiyo.

Kwa mujibu wa matokeo ya droo yaliyotangazwa leo na Shirikisho hilo Simba itamenyana na Afrika Lyon katika dimba la Taifa Dar es Salaam tarehe 01, Machi mwaka huu.

African Lyon ndiyo timu iliyotibua rekodi ya Simba ya kutofungwa katika mechi zaidi ya 10 za ligi kuu Tanzania Bara msimu huu, na kuwa timu ya kwanza kuifunga Simba.

Wakati Simba wakipangwa kukipiga na African Lyon, Yanga wao watakutana na Kiluvya United ya daraja la Kwanza Machi 7.