Serengeti Boys imepangwa kundi B kwenye michuanao ya kombe la Mataifa ya Afrika chini umri wa miaka 17 zitakazofanyika nchini Gabon.

Kundi hilo lenye timu 4 ambazo ni Tanzania, Niger, Mali pamoja na Angola huku kundi A likiwa na na timu kama vile Gabon, Guinea, Cameroon na Ghana.

Fainali hizo ambazo awali zilipangwa kufanyika mwezi April mwaka huu nchini Madagascar, sasa zitafanyika kuanzia Mei 21 hadi Juni 4 mwaka huu nchini Gabon kuchukua nafasi ya Madagascar iliyopokonywa uenyeji mwezi uliopita baada ya kubainika kutotimiza vigezo.

Michuano hiyo itatoa timu nne ambazo zitaiwakilisha Afrika kwenye Kombe la Dunia la FIFA chini ya umri wa miaka 17 itakaofanyika nchini India baadaye mwaka huu. Niger walikuwa wenyeji wa Afcon iliyopita ya U-17 mwaka 2015 na Mali wakatwaa ubingwa.

Mali pia ilifanikiwa kutinga fainali ya michuano ya Kombe la Dunia wa vijana U-17 ambapo ilifungwa na Nigeria.