Baada ya mkuu wa mkoa wa Dar es Salaam, Paul Makonda kuwataja wasanii wanaojihusisha na uuzaji wa madawa ya kulevya na kuwataka kufika kituo kikuu cha Polisi hatimaye wasanii hao wameitikia wito huo.

Wasanii hao wameitikia wito huo baada ya kutakiwa kufanya hivyo na Mkuu wa Mkoa wa Dar es Salaam, Paul Makonda.

Baadhi ya wasanii waliofika kituo kikuu cha Polisi jijini Dar es Salaam ni Babu wa Kitaa, TID, Wema Sepetu pamoja na Dogo Amidu A.K.A Nyandu Tozy.

Mwingine ambaye aliyewasili ni Mmiliki wa Klabu ya Usiku ya Element aliyewasili majira ya saa 5.00 akiambatana na mawakili wake wawili.

RC Makonda jana aliwataja wasanii 9 wanaotuhumiwa kujihusisha na mtandao wa madawa ya kulevya pamoja na baadhi ya askari polisi huku akiwataka wafike kwenye Kituo Kikuu cha Polisi leo asubuhi kwa ajili ya mahojiano.

Picha kwa hisani ya Global Publisher