Muigizaji wa vichekesho nchini, Asha Boko amewataka wachekeshaji wa kike kujitokeza kwa wingi ili kuweza kuchangamsha sekta ya uchekeshaji kwa wasanii wa kike nchini.

Asha amesema anashangazwa na uchache wa wasanii wa kike kwenye upande wa Comedian na kuwataka wasiogope kwakuwa hakuna wasanii wa vichekesho Bongo wengi kwa upande wa wanawake.

Muigizaji huyo pia amesema kwa sasa anampango wa kuachia movie zake peke yake hivyo anaomba sapoti ya kutosha kutoka kwa mashabiki zake ili aweze kutambua kiwango chake cha kuigiza kwa sasa.

Asha Boko amejizolea umaarufu kupitia saa ya uchekeshaji kutokana na uigizaji wake kwenye baadhi ya movie anazoigiza akiwa na wacheshaji maarufu kama vile Mzee Senga, pembe na Mzee Majuto.

Mcheshaji huyo ni zao la kundi la kongwe la sanaa nchini Kaole Sanaa Group ambalo limechangia kiasi kikbwa kukua kwa sanaa hapa nchini.

Umaarufu wa Asha Boko ulikuwa zaidi baada ya kujiunga na kundi la Vituko Show ambapo aliungana na waigizaji kama vile Masele cha Pombe, Erick na wengine wengi.