Mwanamuziki wa Bongo fleva, Linex amesema kuwa mpango wake wa kutoa wimbo mmoja kwa mwaka kwa sasa hautakuwepo tena na badala yake atakuwa anatoa nyimbo kila anapojisikia.

Linex amesema siku ya wapendao ataachia wimbo wake mwingine mpya kama ‘Bonus truck’ kwa mashabiki zake ambao anasema hataufanya ‘official’ ila anaamini ni wimbo utakaofanya vizuri.

Mbali na hilo Linex amesema alikuwa anakaa muda mrefu bila kutoa ngoma kwa sababu mara nyingi huwa anapenda kufanya kazi ambazo zinaishi, hivyo alikuwa anatumia muda mwingi sana kutafuta maneno, na kuandika kazi ambazo zinakuwa tofauti na kazi ambazo zinaishi.

Mwanamuziki huyo kwasasa anatamba na wimbo wake ‘Kiherehere’ amesema kuwa ameamua kubadilisha mpango huo ili kuwaletea burudani mashabiki wake.