Mshambuliaji wa Manchester United na timu ya taifa ya Uingereza, Wayne Rooney jana alikabidhiwa tuzo yake ya kuwa mfungaji bora zaidi wa Mashetani Wekundu wa Old Trafford.

Kwenye tukio hilo, Sir Bob Charlton alimkabidhi Rooney tuzo hiyo ikiwa ni ishara ya kuheshimu hatua aliyopiga ya kuvunja rekodi yake ya ufungaji magoli mengi zaidi kwa timu hiyo.

Rooney amefikisha mabao 250 kwa timu ya Manchester United na kuipiku rekodi ya Bob Charlton ya mabao 249 iliyodumu kwa miaka mingi.

Pia Rooney ndiye anayeshikilia rekodi ya kuifungia timu ya taifa ya Uingereza mabao mengi zaidi akiwa na mabao 53.